Y Celfyddydau Gweledol
yng Ngŵyl Abertawe

Celf a Phasta

Bydd y bws yn ymadael wrth Neuadd y Ddinas am 10.30 fore dydd Sul 7 Hydref am daith o gwmpas arddangosfeydd a gosodiadau gweledol yr Ŵyl, gan gynnwys gwaith Josef Herman yn Oriel Ceri Richards, Tŷ Gwydr gan Rob Olins yn Mission Gallery, Gwydr Pensaernïol MA 2012 yn Amgueddfa Genedlaethol y Glannau, a gosodiadau Locws International mewn mannau ar draws y Ddinas. Bydd cinio pasta ar ôl y daith.

Prisiau Tocynnau

£15 gan gynnwys cinio a gwydraid o win
Rhaid archebu tocynnau (dim mwy na 50) o Swyddfa Docynnau Theatr y Grand erbyn 22 Medi.

Prosiect Panel yr Ymerodraeth Brydeinig gan Bermingham a Robinson

Mission Gallery – 15 Medi – 4 Tach 2012 - Rob Olins

Cyfres o ddrychau a seinyddion acwstig wedi'u trefnu i greu collage trefol a gwledig lleol. Gwahoddir y gynulleidfa i ymlwybro drwy'r amgylchedd gan greu perthynas rhwng lle a sain. Seinwedd gan Douglas Benford.

 

Oriel Ceri Richards 28 Medi – 3 Tach 2012

Josef Herman (1911 – 2000)
Cyfnod Preswyl Stiwdio Curwen – Arddangosfa o Brintiau a Dyluniadau
Mae’n bleser gan Sefydliad Celf Josef Herman Cymru gyflwyno ‘What People Do and Why They Do It’, sef arddangosfa o Brintiau a Dyluniadau gan gynnwys printiau lithograffig gan Josef Herman a’r arlunydd John Abell, sy’n gweithio yng Nghymru. Daw’r casgliad o Stiwdio Curwen yn Swydd Gaer-grawnt fel rhan o’r dathliadau canmlwyddiant yn 2011-12 i nodi geni’r arlunydd Josef Herman.

 

Amgueddfa Genedlaethol y Glannau (Oriel y Golofnfa) - 29 Medi – 28 Hyd 2012 - Gwydr Pensaernïol MA

Arddangosfa sy’n dathlu ac yn arddangos camp ac amrywiaeth wyth o artistiaid sy’n gweithio gyda gwydr wrth gwblhau eu hastudiaethau Meistr yn yr Ysgol Astudiaethau Gwydr ym Mhrifysgol Fetropolitan Abertawe.

• Ray Collins
• Yvonne Daters
• Wadia Haldar
• Dena Michelli  
• Themis Mikellides 
• Ella Osa 
• Ray Taylor
• Ian Wilson

LOCWS International 29 Medi – 11 Tach 2012
Celfyddyd ar draws y Ddinas

Mae LOCWS International yn gwahodd grŵp newydd o arlunwyr gweledol o wledydd tramor ac o Gymru i greu mwy o weithiau celf cyfoes  ar gyfer safleoedd cyhoeddus ar draws Abertawe, bob un yn adlewyrchu ei ymateb i ddiwylliant a threftadaeth y ddinas.

I gael rhagor o wybodaeth ffoniwch 01792 468979 neu trowch i www.artacrossthecity.com

Gyda chefnogaeth gan Gyngor Celfyddydau Cymru, Dinas a Sir Abertawe, Amgueddfa Genedlaethol Cymru a Llywodraeth Cynulliad Cymru